Սեպտեմբեր 06, 2018 MaxMonitor Ratings
MaxMonitor մեդիայի մոնիտորինգի, վերլուծության եւ գնահատման համակարգը այսուհետ կներկայացնի ՀՀ մարզպետների օնլայն մեդիա վարկանիշը:
MaxMonitor համակարգը օգոստոս ամսվա ընթացքում հետեւել է, թե ինչ հաճախականությամբ եւ ինչ թեմաների շուրջ են հայկական օնլայն մեդիայում հիշատակվել ՀՀ մարզպետները՝
- Արագածոտնի մարզպետ Աշոտ Սիմոնյանը
- Արարատի մարզպետ Գարիկ Սարգսյանը
- Արմավիրի մարզպետ Գագիկ Միրիջանյանը
- Գեղարքունիքի մարզպետ Իշխան Սաղաթելյանը
- Լոռու մարզպետ Հրանտ Մարգարյանը
- Կոտայքի մարզպետ Ռոմանոս Պետրոսյանը
- Շիրակի մարզպետ Կարեն Սարուխանյանը
- Սյունիքի մարզպետ Կարեն Համբարձումյանը
- Վայոց Ձորի մարզպետ Արագած Սաղաթելյանը
- Տավուշի մարզպետ Վահե Ղալումյանը:
136 լրատվական կայքերի օգոստոս ամսվա դիտարկման արդյունքներով ամենից շատ լուսաբանված մարզպետների եռյակն է՝
- Արարատի մարզպետ Գարիկ Սարգսյան՝ 178 հիշատակում:
- Կոտայքի մարզպետ Ռոմանոս Պետրոսյան՝ 168 հիշատակում:
- Գեղարքունիքի մարզպետ Իշխան Սաղաթելյան՝ 128 հիշատակում:
Հիմնական տեղեկատվական առիթները
- Օգոստոսին հայտնի դարձավ, որ վերականգնվել է պետությանը պատճառված 2.736.964 ՀՀ դրամի վնասը: 2017 թ. Արարատի մարզի Նոր Կյանք համայնքի ղեկավար Գարիկ Սարգսյանը հաղորդում էր ներկայացրել Արարատի մարզի դատախազին՝ համայնքի մանկապարտեզի տնօրենի և հաշվապահի կողմից յուրացումներ կատարելու դեպքերի առթիվ: Մամուլում տարածվեցին տեղեկություններ, որ մարզպետը փորձում է աշխատանքից ազատել մարզի ԲԿ տնօրեններին: Մասիսի ԲԿ տնօրենը աշխատանքից ազատվելուց հետո դատի տվեց Գարիկ Սարգսյանին: Վերջինիս խոսքերով, ԲԿ-ի նախկին տնօրենի հետ կապված աուդիտի արդյունքները տխրեցնող են եղել: Օգոստոսի վերջերին մի շարք լրատվամիջոցներ տպագրեցել են «Հրապարակ» օրաթերթի՝ «Մարզպետը լծվել է «Ավշարի» տերերից մարզը վերցնելու գործին» հոդվածը:
- «Իրավունք» թերթի տեղեկությունների համաձայն Կոտայքի մարզպետ Ռոմանոս Պետրոսյանը, որը ՔՊ-ական մարզպետ է, «աշխատանքից ազատում է» ՀՀԿ-ական եւ ԲՀԿ-ական համայնքապետերին: Ռոմանոս Պետրոսյանը համայնքապետերի հրաժարականները այլ կերպ է մեկնաբանել վերջիններիս հրաժարականները: Նրա խոսքերով, «ՏԻՄ-երի կառավարումը որոշ համայնքապետերի համար համեմատական է սեփական բարեկեցությունը ապահովելու հետ» եւ ներկա պայմաններոց նրանք ինքնակամ հրաժարվել են իրենց պաշտոններից: Կոտայքի մարզպետը օգոստոսին հայտարարեց այն մասին, որ Կոտայքի դպրոցներում սեպտեմբերից գործելու է «Տաք սնունդ» նախագիծը: Մարզպետը իր ֆեյսբուքյան էջում գրել է, որ հաղորդում է ուղարկել դատախազություն՝ մարզպետարանի ենթակայության տակ գտնվող դպրոսներից մեկում չարաշահումների դեպքերի առթիվ:
- Օգոստոսին Գեղարքունիքի մարզպետ Իշխան Սաղաթելյանը հանդիպել է Սևանի ափամերձ հանգստյան գոտիների տնտեսվարողներին: Վերջիններս բողոքի ակցիա էին իրականացնում, քանի որ բնապահպանների կողմից շրջանառվում էին տեղեկություններ Սեւանա լճի ջրի վտանգավոր լինելու մասին, ինչից տուժում էր իրենց բիզնեսը: Իշխան Սաղաթելյանի նախաձեռնությամբ Սևան քաղաքի «Բոհեմ» արվեստանոց-թեյարանում հրավիրված հանդիպման ժամանակ քննարկվել են Սեւան քաղաքի հիմնախնդիրները և զարգացման հեռանկարային ծրագրերը: Մարզպետը նաեւ աշխատանքային այց է ունեցել մարզի համայնքներ: Մարզպետարանում հրավիրված խորհրդակցության ընթացքում էլ նա հայտարարել է, որ մարզի 19 համայնքներում առաջիկայում կտրվի առաջնահերթություններ պահանջող սոցիալ-տնտեսական զարգացման ծրագրերի մեկնարկը:
