MaxMonitor մեդիայի մոնիտորինգի, վերլուծության եւ գնահատման համակարգը ներկայացնում է կին գործիչների օնլայն մեդիա վարկանիշը հուլիսին:
MaxMonitor համակարգը հուլիս ամսվա ընթացքում հետեւել է, թե ինչ հաճախականությամբ եւ ինչ թեմաների շուրջ են հայկական օնլայն մեդիայում հիշատակվել հետեւյալ կին հասարակական-քաղաքական գործիչները.
- Աննա Հակոբյան՝ ՀՀ վարչապետի տիկինը
- Արփինե Հովհաննիսյան՝ ԱԺ փոխնախագահ
- Զարուհի Փոստանջյան՝ Երեւանի ավագանու անդամ
- Լենա Նազարյան՝ ԱԺ պատգամավոր
- Լիլիթ Մակունց՝ ՀՀ մշակույթի նախարար
- Հերմինե Նաղդալյան՝ ԱԺ պատգամավոր
- Մանե Թանդիլյան՝ ՀՀ աշխատանքի եւ սոցիալական հարցերի նախարար
- Մարգարիտ Եսայան՝ ԱԺ պատգամավոր
- Նաիրա Զոհրաբյան՝ ԱԺ պատգամավոր
- Նունե Սարգսյան՝ ՀՀ նախագահի տիկինը
- Շուշան Պետրոսյան՝ ԱԺ պատգամավոր
- Ռիտա Սարգսյան՝ ՀՀ երրորդ նախագահ Սերժ Սարգսյանի տիկինը
130 լրատվական կայքերի հուլիս ամսվա դիտարկման արդյունքներով ամենից շատ հիշատակված կին գործիչների եռյակն է՝
- ԱԺ «Ծառուկյան դաշինք» խմբակցության պատգամավոր Նաիրա Զոհրաբյան ՝ 909 հիշատակում:
- ՀՀ վարչապետի տիկին Աննա Հակոբյան՝525 հիշատակում:
- Երեւանի քաղաքապետարանի ավագանու անդամ Զարուհի Փոստանջյան ՝ 523 հիշատակում:
Հիմնական տեղեկատվական առիթները
- Նաիրա Զորհաբյանը հուլիս ամսվա ընթացքում շարունակել է երաշխավորություն ներկայացնել «Սասնա ծռերի» մի քանի անդամների խափանման միջոցը փոխելու համար: Նա Ազգային ժողովում մասնակցել է նաեւ ԸՕ բարեփոխումների, ինչպես նաեւ ընտանեկան բռնությունների թեմայի քննարկումներին: Տարոն Մարգարյանի հրաժարականից հետո Նաիրա Զորհաբյանի անունը սկսեց շրջանառվել որպես ԲՀԿ կուսակցության հնարավոր թեկնածու: Այս ընթացքում Զոհրաբյանը սկսեց ահազանգել Երեւան քաղաքի աղբահանության խնդիրների մասին եւ թունավորում տեղափոխվեց հիվանդանոց այրվող աղբավայրի շրջակայքում նկարահանումներ իրականացնելու պատճառով: Ռոբերտ Քոչարյանի կալանավորումից հետո Նաիրա Զոհրաբյանը ձեռնպահ է մնացել որեւէ գնահատական տալուց: Հուլիս ամսվա ընթացքում նա դիմել է վարչապետին համաներում իրականացնելու խնդրանքով:
- Հուլիսի սկզբին Աննա Հակոբյանը մասնակցել է Creative Armenia-ի 1-ամյակի միջոցառմանը, ինչպես նաեւ վարչապետ Նիկոլ Փաշինյանի հետ մասնակցել է «Ոսկե Ծիրան» կինոփառատոնի բացման արարողությանը: Հուլիսի զորակոչի ընթացքում Աննա Հակոբյանը բանակ է ճանապարհել որդուն՝ Աշոտ Փաշինյանին: Աննա Հակոբյանն ուղերձ է հղել «Իմ քայլը» հիմնադրամի վերաբերյալ՝ տալով հիմնադրամի գործունեության մեկնարկը: Վաթսուն տարվա ընդմիջումից հետո Մոսկվայում ներկայացվել է «Գայանե» բալետը. Աննա Հակոբյանը, ԱԱԾ տնօրենն ու մշակույթի նախարարը Մոսկվայում դիտել են «Գայանե» բալետը: ՀՀ վարչապետի տիկին Աննա Հակոբյանը Մոսկվայում հայտարարել է «Կանայք հանուն խաղաղության» արշավի մեկնարկը: Աննա Հակոբյանը մասնակցել է նաեւ «Սիթի օֆ Սմայլ»՝ հիմնադրամի շնորհանդեսին:
- Հուլուսին «Երկիր Ծիրանի» կուսակցությունը Զարուհի Փոստանջյանին առաջադրեց որպես քաղաքապետի թեկնածու: Զարուհի Փոստանջյանի կողմակիցները հավաքվել են քաղաքապետարանի դիմաց Երեւանի ավագանու նիստի ժամանակ:
MaxMonitor համակարգի Mediatrends հարթակը թույլ է տալիս դիտարկել, թե շաբաթվա ընթացքում որ հրապարակումներն են ունեցել բարձր FB Score (like, share, comment համագումար), գրավել ընթերցողների ուշադրությունը եւ քննարկվել Facebook սոցիալական ցանցում: Mediatrends-ի տվյալների համաձայն, վերջին շաբաթվա ընթացքում Facebook-ի օգտատերերին հետաքրքրել են հետեւյալ հրապարակումները՝
1. Նաիրա Զոհրաբյան
Հրապարակում |
Facebook score*
|
Եթե Ծառուկյանի ղեկավարած թիմում առանցքը Նաիրա Զոհրաբյանն է, ես այդտեղ անելիք չունեմ. Գևորգ Պետրոսյան |
1345 |
2.Արփինե Հովհաննիսյան
Հրապարակում |
Facebook score*
|
Ի պաշտպանություն Ռոբերտ Քոչարյանի ստորգրահավաքին միացել է 38 պատգամավոր, այդ թվում` Արա Բաբլոյանը |
862 |
3.Հերմինե Նաղդալյան
Հրապարակում |
Facebook score*
|
Հերմինե Նաղդալյանն ու իր ամուսինը հարկային տեռորի միջոցով սնանկացրել են մրցակից ընկերությանը |
827 |