Banks.am կայքը, հիմնվելով Մեդիամաքս մեդիա-ընկերության MaxMonitor մեդիա մոնիտորինգի համակարգի տվյալների վրա, ներկայացնում է «ՀՀ բանկերը ԶԼՄ-ներում» եռամսյակային համառոտ հաշվետվությունը:
2020թ. առաջին եռամսյակի արդյունքներով՝ ԶԼՄ-ներում (լրատվական կայքեր, թերթեր եւ հեռուստաընկերությունների լրատվական հաղորդումներ) ունեցած հիշատակումների թվով բացարձակ առաջատար է Ամերիաբանկը (877 հիշատակում), որին հաջորդում են ՎՏԲ-Հայաստան Բանկը (341 հիշատակում) եւ Արդշինբանկը (269 հիշատակում):
.jpg)
Լրատվական կայքերում եւ հեռուստատեսությամբ հիշատակումների թվով առաջատար է Ամերիաբանկը՝ 825 հիշատակում եւ 7 ռեպորտաժ, իսկ թերթերում հիշատակումների թվով առաջատար է ՎՏԲ-Հայաստան Բանկը` 49 հոդված:
Դրական հիշատակումների թվով առաջատար է Ամերիաբանկը՝ 814 հիշատակում, երկրորդն այս ցուցանիշով ՎՏԲ-Հայաստան Բանկն է՝ 240 հիշատակում, երրորդը՝
Ակբա-Կրեդիտ Ագրիկոլ Բանկն է՝ 151 հիշատակում:
Հիշատակումների ընդհանուր քանակում դրական հիշատակումների տոկոսային հարաբերակցությամբ առաջատարը կրկին Ամերիաբանկն է՝ 92,8%, 814 դրական հիշատակում 877-ից: Երկրորդն այս ցուցանիշով Ինեկոբանկն է՝ 88,2%, 60 դրական հիշատակում 68-ից, երրորդը Evocabank-ն է՝ 84,1%, 37 դրական հիշտակում 44-ից:
Մեդիամաքսը ԶԼՄ-ների մոնիտորինգով զբաղվում է 2001-ից: Հայաստանյան բանկերին վերաբերող մոնիտորինգային ծառայությունը գործարկել է 2009թ., 2015թ. կեսից այն իրականացվում է MaxMonitor համակարգի միջոցով:
Համակարգը, որում ներառված են ՀՀ բոլոր առեւտրային բանկերը, բաղկացած է երկու բաժնից` Մոնիտորինգ եւ Վերլուծություն: Օնլայն նորությունների բազան թարմացվում է յուրաքանչուր 15 րոպեն մեկ:
Բանկային մոնիտորինգի դեպքում դիտարկվում են բոլոր հայկական լրատվական կայքերը (մոտ 150 կայքեր), թերթեր (16 անվանում) եւ հեռուստաընկերությունների լրատվական հաղորդումներ (12 անվանում):
Մեդիամաքսը միակ ընկերությունն է Հայաստանում, որն անդամակցում է FIBEP-ին` մեդիա-մոնիտորինգային ընկերությունների միջազգային ֆեդերացիային, եւ առաջարկում միջազգային չափանիշներին համապատասխան ծառայություններ:
MaxMonitor-ի բաժանորդներն են մի քանի տասնյակ մասնավոր ընկերություններ եւ պետական մարմիններ՝ բանկեր, հեռահաղորդակցության օպերատորներ, նախարարություններ եւ գերատեսչություններ, միջազգային կազմակերպություններ, դեսպանություններ եւ այլն:
