Մեդիամաքս մեդիա ընկերության ԶԼՄ-ների մոնիտորինգի, վերլուծության եւ գնահատման MaxMonitor համակարգը ներկայացնում է հայկական օնլայն մեդիայում նախարարների եւ կառավարությանը կից մարմինների ղեկավարների լուսաբանման ծավալը 2020թ. հունվար ամսվա արդյունքներով:
Մոտ 150 լրատվական կայքերի հունվար ամսվա դիտարկման արդյունքներով ամենից շատ հիշատակված գործիչների եռյակն է՝
1. ՀՀ արտաքին գործերի նախարար Զոհրաբ Մնացականյան՝ 1432 հիշատակում:
2. ՀՀ առողջապահության նախարար Արսեն Թորոսյան՝ 1329 հիշատակում:
3. ՀՀ կրթության, գիտության, մշակույթի և սպորտի նախարար Արայիկ Հարությունյան՝ 1212 հիշատակում:
Ամենաքիչ հիշատակված գործիչների եռյակն է.
1. ՀՀ շրջակա միջավայրի նախարար Էրիկ Գրիգորյան՝ 164 հիշատակում:
2. ՀՀ բարձր տեխնոլոգիական արդյունաբերության նախարար Հակոբ Արշակյան՝ 128 հիշատակում:
3. ՀՀ ֆինանսների նախարար Ատոմ Ջանջուղազյան՝ 97 հիշատակում:
Ներկայացված տվյալները վերաբերում են բացառապես հիշատակումների քանակին:
MaxMonitor-ի մասնագետների կողմից առանձին վերլուծության են ենթարկվում 13 լրատվական կայքերի (168.am, 1in.am, A1plus.am, Aravot.am, Armenpress.am, Armlur.am, Blognews.am, Hraparak.am, Lragir.am, Mediamax.am, News.am, Panorama.am, Tert.am) հրապարակումները, ինչի շնորհիվ ստացվում է դրական, չեզոք եւ բացասական երանգ ունեցող հրապարակումների պատկերը: Այն հասանելի է ստորեւ ներկայացվող աղյուսակում եւ վերաբերում է ս.թ. հունվարին:
Անուն |
Դրական |
Չեզոք |
Բացասական |
Զոհրաբ Մնացականյան |
250 |
156 |
3 |
Արսեն Թորոսյան |
113 |
195 |
45 |
Արման Սարգսյան |
97 |
202 |
1 |
Արայիկ Հարությունյան |
116 |
144 |
14 |
Ռուստամ Բադասյան |
78 |
159 |
33 |
Դավիթ Տոնոյան |
143 |
68 |
1 |
Տիգրան Ավինյան |
111 |
87 |
13 |
Մհեր Գրիգորյան |
76 |
65 |
0 |
Սուրեն Պապիկյան |
63 |
56 |
2 |
Տիգրան Խաչատրյան |
86 |
29 |
3 |
Ֆելիքս Ցոլակյան |
53 |
31 |
3 |
Զարուհի Բաթոյան |
51 |
33 |
2 |
Էդուարդ Մարտիրոսյան |
12 |
63 |
0 |
Հակոբ Արշակյան |
35 |
9 |
0 |
Էրիկ Գրիգորյան |
17 |
19 |
2 |
Ատոմ Ջանջուղազյան |
8 |
16 |
1 |
Հունվարին բացասական հիշատակումներով առաջատար է ՀՀ առողջապահության նախարար Արսեն Թորոսյանը։ Բացասական հիշատակումների հիմնական պատճառը մարզային մի քանի ծննդատների փակման որոշումն էր:
Բժիշկ, «Պարացելսուս» ՀԿ-ի նախագահ Նունե Ներսիսյանը նշեց, որ հիվանդանոցի աշխատակիցներն անգամ տեղյակ չեն եղել, որ ծննդատները փակվում են: Ըստ Նունե Ներսիսյանի, աշխատանքային օրենսգրքի խախտմամբ ծննդատների փակումն անձնական շահ է հետապնդում:
Կայքերից մեկի հոդվածում նշվում է, որ նախարարն «ատում է բժիշկներին» ու առանցքային պաշտոնների նշանակում է «ոչ բժիշկների»:
«Մեդիա պաշտպան»-ն էլ հորդորել է Արսեն Թորոսյանին զերծ մնալ լրագրողների նկատմամբ ճնշումներից, քանի որ 5-րդ ալիքի լրագրողները Աչաջրի ծննդատան ծննդաբերության ընթացքից ուղիղ եթեր էին իրականացրել, որից հետո նախարար Արսեն Թորոսյանը պիտակավորել էր 5-րդ ալիքի աշխատանքը։
Նրանք հորդորել են ՀՀ առողջապահական եւ աշխատանքի տեսչությանը վարույթ հարուցել՝ պարզելու՝ 2019թ.-ի մայիսի 8-ին նախարարության շենքում ապահովվա՞ծ են եղել օրենսդրությամբ սահմանված պայմանները, երբ նախարար Արսեն Թորոսյանը իր մի խումբ աշխատակիցների հետ ուղիղ եթերում պատվաստվել է մարդու պապիլոմա վիրուսի դեմ:
Մեդիամաքս մեդիա-ընկերությունն իր MaxMonitor համակարգով Հայաստանի մեդիայի մոնիտորինգի, վերլուծության եւ գնահատման շուկայի բացարձակ առաջատարն է: Համակարգի բաժանորդներն են մի քանի տասնյակ մասնավոր ընկերություններ եւ պետական մարմիններ՝ բանկեր, հեռահաղորդակցության օպերատորներ, նախարարություններ եւ գերատեսչություններ, միջազգային կազմակերպություններ եւ դեսպանություններ: