Հոկտեմբեր 03, 2019 MaxMonitor Ratings
Banks.am կայքը, հիմնվելով Մեդիամաքս մեդիա ընկերության մշակած MaxMonitor մեդիա մոնիտորինգի համակարգի տվյալների վրա, ներկայացնում է «ՀՀ բանկերը ԶԼՄ-ներում» եռամսյակային համառոտ հաշվետվությունը:
2019թ. երրորդ եռամսյակի արդյունքներով՝ ԶԼՄ-ներում (լրատվական կայքեր, թերթեր եւ հեռուստաընկերությունների լրատվական հաղորդումներ) ունեցած հիշատակումների թվով առաջատար են հետեւյալ բանկերը՝ ՎՏԲ-Հայաստան Բանկը (445), Ամերիաբանկը (271) եւ Ակբա-Կրեդիտ Ագրիկոլ Բանկը (155):
Թե՛ լրատվական կայքերում, թե՛ թերթերում եւ թե՛ հեռուստատեսությամբ հիշատակումների թվով առաջատար է ՎՏԲ-Հայաստան Բանկը՝ 369 հիշատակում, 66 հոդված եւ 10 ռեպորտաժ:
Դրական հիշատակումների թվով առաջատար է ՎՏԲ-Հայաստան Բանկը՝ 268 հիշատակում, երկրորդն այս ցուցանիշով Ամերիաբանկն է՝ 203 հիշատակում, երրորդն Ակբա-Կրեդիտ Ագրիկոլ Բանկն է՝ 141 հիշատակում:
Հիշատակումների ընդհանուր քանակում դրական հիշատակումների տոկոսային հարաբերակցությամբ առաջատարն Ակբա-Կրեդիտ Ագրիկոլ Բանկն է՝ 91%, 141 դրական հիշատակում 155-ից: Երկրորդն այս ցուցանիշով HSBC Հայաստանն է՝ 82,5%, 47 դրական հիշատակում 57-ից, երրորդն Ինեկոբանկն է՝ 79,4%, 50 դրական հիշատակում 63-ից:
Մեդիամաքսը ԶԼՄ-ների մոնիտորինգով զբաղվում է 2001-ից: Հայաստանյան բանկերին վերաբերող մոնիտորինգային ծառայությունը գործարկել է 2009թ., 2015թ. կեսից այն իրականացվում է MaxMonitor համակարգի միջոցով:
Համակարգը, որում ներառված են ՀՀ բոլոր առեւտրային բանկերը, բաղկացած է երկու բաժնից` Մոնիտորինգ եւ Վերլուծություն: Օնլայն նորությունների բազան թարմացվում է յուրաքանչուր 15 րոպեն մեկ:
Բանկային մոնիտորինգի դեպքում դիտարկվում են 44 կայքեր, թերթեր (16 անվանում) եւ հեռուստաընկերությունների լրատվական հաղորդումներ (12 անվանում):
Ընդհանուր առմամբ, MaxMonitor-ը դիտարկում է 150 հայկական կայքեր:
Մեդիամաքսը միակ ընկերությունն է Հայաստանում, որն անդամակցում է FIBEP-ին` մեդիամոնիտորինգային ընկերությունների միջազգային ֆեդերացիային, եւ առաջարկում միջազգային չափանիշներին համապատասխան ծառայություններ:
MaxMonitor-ի բաժանորդներն են մի քանի տասնյակ մասնավոր ընկերություններ եւ պետական մարմիններ՝ բանկեր, հեռահաղորդակցության օպերատորներ, նախարարություններ եւ գերատեսչություններ, միջազգային կազմակերպություններ, դեսպանություններ եւ այլն:
