Նախարարների օնլայն մեդիա վարկանիշը մարտին

Մեդիամաքս մեդիա ընկերության ԶԼՄ-ների մոնիտորինգի, վերլուծության եւ գնահատման MaxMonitor համակարգը ներկայացնում է հայկական օնլայն մեդիայում նախարարների եւ  կառավարությանը կից մարմինների ղեկավարների լուսաբանման ծավալը 2019թ. մարտ ամսվա արդյունքներով:

144 լրատվական կայքերի մարտ ամսվա դիտարկման արդյունքներով ամենից շատ հիշատակված գործիչների եռյակն է՝

1. ՀՀ պաշտպանության նախարար Դավիթ Տոնոյան՝ 1624 հիշատակում:

2. ՀՀ արտաքին գործերի նախարար Զոհրաբ Մնացականյան՝ 1536 հիշատակում:

3. ՀՀ կրթության եւ գիտության նախարար Արայիկ Հարությունյան՝ 1408 հիշատակում:

Ամենաքիչ հիշատակվածների եռյակն է.

1. ՀՀ ոստիկանապետ Վալերի Օսիպյան՝ 344 հիշատակում:

2. ՀՀ արտակարգ իրավիճակների նախարար Ֆելիքս Ցոլակյան ՝ 298 հիշատակում:

3. ՀՀ բնապահպանության նախարար Էրիկ Գրիգորյան՝ 172 հիշատակում:

 

Ներկայացված տվյալները վերաբերում են բացառապես հիշատակումների քանակին:

MaxMonitor-ի մասնագետների կողմից առանձին վերլուծության են ենթարկվում 13 լրատվական կայքերի (168.am, 1in.am, A1plus.am, Aravot.am, Armenpress.am, Armlur.am, Blognews.am, Hraparak.am, Lragir.am, Mediamax.am, News.am, Panorama.am, Tert.am) հրապարակումները, ինչի շնորհիվ ստացվում է դրական, չեզոք եւ բացասական երանգ ունեցող հրապարակումների պատկերը: Այն հասանելի է ստորեւ ներկայացվող աղյուսակում եւ վերաբերում է ս.թ. մարտին:

Մարտին ամենաշատ բացասական հրապարակումներ ունեցել է ՀՀ առողջապահության նախարար Արսեն Թորոսյանը: «Ժողովուրդ» թերթը քննադատել էր նախարարի՝ «առողջ ապրելակերպ ապահովելու նպատակին ուղղված մեթոդները», քանի որ վերջինս առաջարկել էր թանկացնել ծխախոտի ակցիզային հարկը, նաև հարկային խստացումներ շաքարի, գազային խմիչքների ոլորտում:

«Փաստ» օրաթերթը հոդված էր հրապարակել այն մասին, որ «առողջապահության համակարգի որակյալ կադրերը հրաժարվում են աշխատել նախարար Արսեն Թորոսյանի հետ եւ զանգվածաբար լքում են նախարարությունը»: