Նախարարների օնլայն մեդիա վարկանիշը դեկտեմբերին

Մեդիամաքս մեդիա ընկերության ԶԼՄ-ների մոնիտորինգի, վերլուծության եւ գնահատման MaxMonitor համակարգը ներկայացնում է հայկական օնլայն մեդիայում ոստիկանապետի, նախարարների եւ փոխվարչապետների պաշտոնակատարների լուսաբանման ծավալը՝ 2018թ. դեկտեմբեր ամսվա արդյունքներով:

136 լրատվական կայքերի դեկտեմբեր ամսվա դիտարկման արդյունքներով ամենից շատ հիշատակված գործիչների եռյակն է՝

1. ՀՀ առաջին փոխվարչապետի պաշտոնակատար Արարատ Միրզոյան ՝ 1380 հիշատակում:

2. ՀՀ արտաքին գործերի նախարարի պաշտոնակատար Զոհրաբ Մնացականյան՝ 1350 հիշատակում:

3. ՀՀ ԱԱԾ պետ  Արթուր Վանեցյան ՝ 1311 հիշատակում:

Ամենաքիչ հիշատակված նախարարների եռյակն է.

1. ՀՀ սպորտի և երիտասարդության հարցերի նախարարի պաշտոնակատար Գաբրիել Ղազարյան՝ 100 հիշատակում:

2. ՀՀ ֆինանսների նախարարի պաշտոնակատար Ատոմ Ջանջուղազյան՝ 88 հիշատակում:

3. ՀՀ տնտեսական զարգացման և ներդրումների նախարարի պաշտոնակատար Տիգրան Խաչատրյան ՝ 77 հիշատակում:

Ներկայացված տվյալները վերաբերում են բացառապես հիշատակումների քանակին:

MaxMonitor-ի մասնագետների կողմից առանձին վերլուծության են ենթարկվում 13 լրատվական կայքերի (168.am, 1in.am, A1plus.am, Aravot.am, Armenpress.am, Armlur.am, Blognews.am, Hraparak.am, Lragir.am, Mediamax.am, News.am, Panorama.am, Tert.am) հրապարակումները, ինչի շնորհիվ ստացվում է դրական, չեզոք եւ բացասական երանգ ունեցող հրապարակումների պատկերը: Այն հասանելի է ստորեւ ներկայացվող աղյուսակում եւ վերաբերում է ս.թ. դեկտեմբերին:

Դեկտեմբերին ամենաշատ բացասական հրապարակումներ ունեցել է ԱԱԾ պետ Արթուր Վանեցյանը: Այդ հրապարակումների մեծ մասը վերաբերում էր Արթուր Վանեցյանի եւ Նիկոլ Փաշինյանի հեռախոսազրույցի գաղտնալսմանը: