130 լրատվական կայքերի սեպտեմբեր ամսվա դիտարկման արդյունքներով ամենից շատ հիշատակված նախարարների եռյակն է՝
Մեդիամաքս մեդիա-ընկերության ԶԼՄ-ների մոնիտորինգի, վերլուծության եւ գնահատման MaxMonitor համակարգը սեպտեմբեր ամսվա ընթացքում շարունակել է հետեւել օնլայն մեդիայում հետեւյալ քաղաքական գործիչների լուսաբանման ծավալներին՝ Նիկոլ Փաշինյան, Արմեն Սարգսյան, Ռոբերտ Քոչարյան, Արա Բաբլոյան, Սերժ Սարգսյան, Էդուարդ Շարմազանով, Լեւոն Տեր-Պետրոսյան, Վիգեն Սարգսյան, Կարեն Կարապետյան, Արարատ Միրզոյան, Տարոն Մարգարյան եւ Գագիկ Ծառուկյան:
2018թ. սեպտեմբերին 130 լրատվական կայքերի դիտարկման արդյունքներով ամենից շատ հիշատակված քաղաքական գործիչներն են.
1.Նիկոլ Փաշինյան՝ 20 959 հիշատակում (2018թ. օգոստոսին՝ 13 979 հիշատակում):
2.Ռոբերտ Քոչարյան՝ 6 348 հիշատակում (2018թ. օգոստոսին ՝ 9 030 հիշատակում):
3. Սերժ Սարգսյան՝ 3 327 հիշատակում (2018թ. օգոստոսին՝ 2 734 հիշատակում):
MaxMonitor համակարգում առանձին վերլուծության են ենթարկվում 13 լրատվական կայքերի (168.am, 1in.am, A1plus.am, Aravot.am, Armenpress.am, Armlur.am, Blognews.am, Hraparak.am, Lragir.am, Mediamax.am, News.am, Panorama.am, Tert.am) հրապարակումները, ինչի շնորհիվ ստացվում են որոշակի որակական ցուցանիշներ:
MaxMonitor-ի մասնագետներն այս հաշվետու ժամանակահատվածում վերլուծության են ենթարկել ընդհանուր առմամբ 10 457 հոդված, որոնցում այս կամ այն կերպով անդրադարձ է եղել թվարկված քաղաքական գործիչներին:
Ստորեւ ներկայացնում ենք սեպտեմբեր ամսվա ընթացքում քաղաքական գործիչների վերաբերյալ դրական, չեզոք եւ բացասական հիշատակումների բաշխվածությունը:
Քաղաքական գործիչ |
Դրական |
Չեզոք |
Բացասական |
Նիկոլ Փաշինյան |
1688 |
3609 |
230 |
Ռոբերտ Քոչարյան |
24 |
1357 |
246 |
Սերժ Սարգսյան |
12 |
748 |
152 |
Արմեն Սարգսյան |
546 |
295 |
1 |
Արա Բաբլոյան |
222 |
136 |
0 |
Էդուարդ Շարմազանով |
77 |
239 |
4 |
Լեւոն Տեր-Պետրոսյան |
1 |
146 |
30 |
Արարատ Միրզոյան |
44 |
104 |
2 |
Գագիկ Ծառուկյան |
31 |
126 |
1 |
Տարոն Մարգարյան |
13 |
137 |
23 |
Կարեն Կարապետյան |
0 |
100 |
2 |
Դավիթ Սանասարյան |
48 |
40 |
11 |
Վիգեն Սարգսյան |
0 |
12 |
0 |
Հատկանշական է, որ սեպտեմբեր ամսվա ընթացքում էականորեն աճել է վարչապետ Նիկոլ Փաշինյանի անունը շոշափող բացասական հրապարակումների թիվը՝ կազմելով 230՝ նախորդ ամսվա 14-ի փոխարեն: Նշված հրապարակումների մի մասն առնչվում է ԱԱԾ և ՀՔԾ պետերի զրույցի գաղտնալսմանը, մյուս մասն էլ մեկնաբանություններ են Նիկոլ Փաշինյանի գործունեության վերաբերյալ, որոնք արվել են հիմնականում նախորդ իշխանությունների ներկայացուցիչների՝ Արմեն Աշոտյանի, Էդուարդ Շարմազանովի և այլոց կողմից:
Քաղաքական գործիչներից ամենաշատ բացասական հիշատակումներ ունեցել է ՀՀ երկրորդ նախագահ Ռոբերտ Քոչարյանը՝ 246 հիշատակում: Նշված հրապարակումներում տարբեր մեկնաբանների ու վերլուծաբանների կողմից քննության են առնվում Քոչարյանի քաղաքական վերադարձի հնարավորությունները, Մարտի 1-ի իրադարձությունների հետ վերջինիս առնչությունը, նրա ընտանիքին առնչվող բիզնեսները և հանրային լայն արձագանք ստացած այլ թեմաներ:
Մեդիամաքս մեդիա-ընկերությունն իր MaxMonitor համակարգով Հայաստանի մեդիայի մոնիտորինգի, վերլուծության եւ գնահատման շուկայի բացարձակ առաջատարն է: Համակարգի բաժանորդներն են մի քանի տասնյակ մասնավոր ընկերություններ եւ պետական մարմիններ՝ բանկեր, հեռահաղորդակցության օպերատորներ, նախարարություններ եւ գերատեսչություններ, միջազգային կազմակերպություններ եւ դեսպանություններ: