Նախարարների օնլայն մեդիա վարկանիշը օգոստոսին

Մեդիամաքս մեդիա ընկերության ԶԼՄ-ների մոնիտորինգի, վերլուծության եւ գնահատման MaxMonitor համակարգը ներկայացնում է հայկական օնլայն մեդիայում նախարարների լուսաբանման ծավալը՝ 2018թ. օգոստոս ամսվա արդյունքներով:

130 լրատվական կայքերի օգոստոս ամսվա դիտարկման արդյունքներով ամենից շատ հիշատակված նախարարների եռյակն է՝

1. ՀՀ կրթության եւ գիտության նախարար Արայիկ Հարությունյան՝  1585 հիշատակում: 

2. ՀՀ արդարադատության նախարար Արտակ Զեյնալյան ՝ 1309 հիշատակում:

3. ՀՀ պաշտպանության նախարար Դավիթ Տոնոյան ՝ 1269 հիշատակում:

Ամենաքիչ հիշատակված նախարարների եռյակն է.

1. ՀՀ բնապահպանության նախարար Էրիկ Գրիգորյան՝ 170 հիշատակում:

2. ՀՀ սպորտի և երիտասարդության հարցերի նախարար Լեւոն Վահրադյան ՝ 117 հիշատակում:

3. ՀՀ ֆինանսների նախարար Ատոմ Ջանջուղազյան ՝ 49 հիշատակում:

 

Ներկայացված տվյալները վերաբերում են բացառապես հիշատակումների քանակին:

MaxMonitor-ի մասնագետների կողմից առանձին վերլուծության են ենթարկվում 13 լրատվական կայքերի (168.am, 1in.am, A1plus.am, Aravot.am, Armenpress.am, Armlur.am, Blognews.am, Hraparak.am, Lragir.am, Mediamax.am, News.am, Panorama.am, Tert.am) հրապարակումները, ինչի շնորհիվ ստացվում է դրական, չեզոք եւ բացասական երանգ ունեցող հրապարակումների պատկերը: Այն հասանելի է ստորեւ ներկայացվող աղյուսակում եւ վերաբերում է ս.թ. օգոստոսին:

Ամենաշատ բացասական հրապարակումները բաժին են հասել առողջապահության նախարար Արսեն Թորոսյանին, ով, ըստ մամուլի հրապարակումների, «աչք է փակում հոգեբուժարանի տնօրենի ապօրինությունների վրա, քանի որ վերջինս իր ընկերն է»: