MaxMonitor մեդիայի մոնիտորինգի, վերլուծության եւ գնահատման համակարգը ներկայացնում է կին գործիչների օնլայն մեդիա վարկանիշը ապրիլին:
MaxMonitor համակարգը ապրիլ ամսվա ընթացքում հետեւել է, թե ինչ հաճախականությամբ եւ ինչ թեմաների շուրջ են հայկական օնլայն մեդիայում հիշատակվել հետեւյալ կին հասարակական-քաղաքական գործիչները.
- Արեւ Սամուելյան՝ մշակույթի փոխնախարար
- Արփինե Հովհաննիսյան՝ ԱԺ փոխնախագահ
- Զարուհի Փոստանջյան՝ Երեւանի ավագանու անդամ
- Լենա Նազարյան՝ ԱԺ պատգամավոր
- Հերմինե Նաղդալյան՝ ԱԺ պատգամավոր
- Հրանուշ Հակոբյան՝ սփյուռքի նախարար
- Մանե Թանդիլյան՝ ԱԺ պատգամավոր
- Մարգարիտ Եսայան՝ ԱԺ պատգամավոր
- Նաիրա Զոհրաբյան՝ ԱԺ պատգամավոր
- Նունե Սարգսյան՝ ՀՀ նախագահի թեկնածու Արմեն Սարգսյանի տիկինը
- Շուշան Պետրոսյան՝ ԱԺ պատգամավոր
- Ռիտա Սարգսյան՝ ՀՀ նախագահ Սերժ Սարգսյանի տիկինը
130 լրատվական կայքերի ապրիլ ամսվա դիտարկման արդյունքներով ամենից շատ հիշատակված կին գործիչների եռյակն է՝
- ԱԺ «Ծառուկյան դաշինք» խմբակցության պատգամավորՆաիրա Զոհրաբյան՝ 588 հիշատակում:
- Երեւանի ավագանու «Երկիր Ծիրանի» խմբակցության ղեկավարԶարուհի Փոստանջյան՝577 հիշատակում:
- ԱԺ «Ելք» խմբակցության պատգամավորՄանե Թանդիլյան՝ 515 հիշատակում:
Հիմնական տեղեկատվական առիթները
- Նաիրա Զորհաբյանը ապրիլի ամսվա սկզբին հայտարարել էր, որ Սերժ Սարգսյանի վարչապետությանը «Ծառուկյան» խմբակցությունը կքվեարկի ազատ՝ «իր խղճի մտոք»: Անձամբ Նաիրա Զոհրաբյանը դեմ էր քվեարկել, չնայած որ «Ծառուկյան» խմբակցության 12 պատգամավորներ կողմ էին քվեարկել: Սերժ Սարգսյանի հրաժարակից մի քանի րոպե առաջ «Ծառուկյան» դաշինքը միացավ համաժողովրդական շարժմանը, իսկ Նիկոլ Փաշինյանի ՀՀ վարչապետի թեկնածության առաջադրումից հետո Նաիրա Զոհրաբյանն ասել է, որ թեկնածությունն իր համար անձնապես ընդունելի է եւ չի կարծում, որ իրենց կուսակցությունում այդ թեկնածությանը դեմ լինեն:
- Զարուհի Փոստանջյանը ամսվա սկզբին հանդես էր գալիս «խելագարվենք, գրավենք քաղաքները» կոչերով: Սկզբնական շրջանում նա նշում էր, որ ողջունում է Նիկոլ Փաշինյանի փողոցային պայքարը, բայց կառաջնորդվի իր ծրագրով: Հետագայում նա հայտարարեց, որ ունի Փաշինյանին չվստահելու բոլոր հիմքերը, նշելով՝ «ես չեմ կարող բացառել, որ նա [Փաշինյանը] իշխանությունների կողմից է գործուղվել»: Փաշինյանի «Իմ քայլը» նախաձեռնությանը զուգահեռ նա եւ իր սակավաթիվ հետեւորդները քայլերթներ էին իրականացնում Վանաձորում եւ Սպիտակում՝ կոչ անելով դպրոցականներին դասադուլ անել: Նիկոլ Փաշինյանի ձերբակալության օրը նա եկավ Հանրապետության հրապարակում եւ փորձեց ելույթ ունենալ, սակայն Փաշինյանի կինը եւ մնացած ակտիվիստները թույլ չտվեցին, իսկ հրապարակում հավաքվածները սկսեցին վանկարկել՝ հե-ռա-ցիր:
- Ապրիլի կեսերին «Ելք» խմբակցության պատգամավորներ Արարատ Միրզոյանն ու Լենա Նազարյանը ԱԺ-ում հրավառության ակցիա իրականացրեցին: Նույն խմբակցության պատգամավոր Մանե Թանդիլյանը ակցիայից հետո հայտարարեց, որ դա գործընկերային վերաբերմունք չէր, քանի որ իրենց նախապես տեղյակ չէին պահել այդ մասին: Բաղրամյան պողոտայում բախումներից եւ Նիկոլ Փաշինյանի վնասվածքներ ստանալուց հետո Մանե Թանդիլյանը Էդմոն Մարուքյանի եւ Արամ Սարգսյանի հետ այցելեց Բաղրամյան պողոտա: Երբ սկսվեցին ցուցարարների ձերբակալությունները՝ Էդմոն Մարուքյանը, Մանե Թանդիլյանն ու Գեւորգ Գորգիսյանը այցելում էին ոստիկանական բաժանմունքներ: Ապրիլի 22-ին ԱԺ ընդդիմադիր պատգամավորների ձերբակալությունների ժամանակ Մանե Թանդիլյանն ու Գեւորգ Գորգիսյանն այցելեցին Արարատ Միրզոյանին եւ Սասուն Միքայելյանին:
MaxMonitor համակարգի Mediatrends հարթակը թույլ է տալիս դիտարկել, թե շաբաթվա ընթացքում որ հրապարակումներն են ունեցել բարձր FB Score (like, share, comment համագումար), գրավել ընթերցողների ուշադրությունը եւ քննարկվել Facebook սոցիալական ցանցում: Mediatrends-ի տվյալների համաձայն, վերջին շաբաթվա ընթացքում Facebook-ի օգտատերերին հետաքրքրել են հետեւյալ հրապարակումները՝
- Արփինե Հովհաննիսյան
|
Հրապարակում |
Facebook score
|
|
18 104 |
- Նաիրա Զոհրաբյան, Շուշան Պետրոսյան
|
Հրապարակում |
Facebook score
|
|
«Հրապարակ». Նաիրա Զոհրաբյանը «ռազբորկա» է արել Շուշան Պետրոսյանի հետ՝ անվանելով «դինոզավր» |
10 204 |
- Մարգարիտ Եսայան
|
Հրապարակում |
Facebook score
|
|
«Սիրելիʹ ժողովուրդ, գնացեʹք «Ֆեյսբուք»-ում հռհռացեք». Մարգարիտ Եսայանը՝ հրապարակում հավաքվածներին |
7 753 |
